Начало семьи – таинство венчания. По окончании молитв чина венчания священник читает новобрачным наставление, о том, как подобает мужу заботиться о жене, жене – чтить мужа, соблюдать супружескую верность, творить милостыню, прибегать к советам духовного отца и строить свою отныне общую жизнь рядом с храмом Божиим.
Церковнославянское чтение:
Послу́шайте ча́да, да скажу́ ва́м, что́ е́сть та́йна и ка́ко жи́ти в ве́ре Христо́ве. Пе́рвие всего́ име́йте, ча́да, стра́х Бо́жий в сердцы́х свои́х, да от того́ научите́ся и Бо́га боя́тися. Се́ бо, ча́да, за́поведи Бо́жия, е́же люби́те Бо́га все́м се́рдцем и все́ю душе́ю, и все́м ра́зумом, и все́ю кре́постию свое́ю. Се́ пе́рвая за́поведь, подо́бна же се́й и втора́я – е́же люби́ти бли́жняго своего́, а́ки себе́. Кто́ же, ча́да, бли́жний на́ш? То́ есть вся́кого христиани́на живу́щего в ве́ре Христо́ве. Па́киже, ча́да, бу́дите кро́тцы и смире́нни. Госпо́дь бо рече́: «Блаже́ни кро́тыи, яко ти́и насле́дят зе́млю». Кро́тость бо есть ма́ти му́дрости и ра́зуму, и все́м до́брым де́лом. Та́коже, ча́да, соблюди́те чистоту́ душе́вную и теле́сную; му́ж от жены́, а жена́ о́т мужа не соблуди́те. Та́ко бо и пре́жние му́жи и жены́, чи́сто пожи́вше и непоро́чно, свя́ти бы́ша и угоди́вше Бо́гу, и на небеса́ пресели́шася. Та́ко и вы́, ча́да, поживи́те зако́нно. Сре́ду же и пято́к чти́те, та́ бо су́ть два́ а́нгела Госпо́дня. Воскресе́ние же Христо́во име́йте че́стно, то́ есть свя́то велми́, не сотвори́те блуда́, и отню́д блюди́теся. И святы́х пра́здники до́бре чти́те. К це́ркви Бо́жии приходи́те. В те́ дни́ до́бре упражня́йтеся на моли́тву. Еще́ же, ча́да, бу́дите ми́лостиви, я́коже и Оте́ц ва́ш небе́сныи ми́лостив есть. Подава́йте ми́лостыню от свои́х пра́ведных трудо́в, а дава́йте ми́лостыню с любо́вию по си́ле. А́ще бога́т еси́, то́ бо́лши пода́й. А́ще убо́г, то́ по си́ле пода́й. А вся́кому христиани́ну повеле́но есть деся́тое от прибы́тков свои́х да́ти Бо́гу. А отца́ духо́внаго призыва́йте по́часту, да с ни́м спра́шивайтеся, да то́й ва́с, ча́да, наставля́ет на вся́ до́брая де́ла, е́же ле́по христиа́ном твори́ти. А к нему́ любо́вь и ве́ру держи́те неоску́дну. И ты́, бра́те и сы́ну, имяре́к, жену́ свою́ люби́, и нака́зывай по́часту, а не гне́вайся на ню́. А́ще ли неслу́шати на́чнет, и ты́ жезло́м нака́зывай по́легку, а не зло́бою учи́. Ты́ же, сестра́ и дщи́, имяре́к, му́жа име́й во все́м че́стна, и бо́йся его́, и во все́м че́сть воздава́й ему́ в повинове́ние, а с ни́м всегда́ спра́шивайся о вся́ком де́ле, поне́же глава́ есть тебе́. Я́коже глава́ кре́ст на це́ркви, та́ко же глава́ му́ж жене́. Я́коже повину́ется це́ркви Христу́, та́ко досто́ит повинова́тися жена́м муже́м свои́м, а непререкова́ти и́м, но послушли́вым бы́ти. Поне́же послушли́вым Бо́г подае́т че́сть и сла́ву, а непослушли́вым го́рькую му́ку. Да не бу́ди ти, ча́до, тя́жко еже бы́ти в послуша́нии у своего́ му́жа. Бу́ди, ча́до, тиха́ и смире́на и кротка́, и весела́, обы́чай име́й кро́ток. И да сего́, ча́да, моего́ наказа́ния слу́шайте, Госпо́дних слове́с. А́ще сия́ словеса́ прии́мите, то́ бу́дет ми́лость Бо́жия на ва́с от ны́не и до́ века, и бу́дете долголе́тни на земли́, и на́ небеси у́ Бога просла́витеся, и Ца́рствию Его́ небе́сному прича́стницы бу́дете. Потщи́теся ча́да за́поведи Бо́жия соблюсти́, е́же реко́х ва́м от ма́ла наказа́ния. А́ще ли о си́х неради́ти и неслу́шати на́чнете Бо́жиих за́поведей, то́ а́з невинова́т бу́ду о си́х пре́д Богом, вы́ же при́мите по де́лом ва́шим, в де́нь Стра́шнаго Суда́. Бо́гу на́шему сла́ва, ны́не и при́сно и во́ веки веко́м.
Перевод-разъяснение:
Послушайте чада, расскажу вам, что означает таинство (брака) и как подобает жить в вере Христовой. Прежде всего имейте, чада, страх Божий в сердцах своих. Этот страх научит вас Бога бояться. Заповеди Божии таковы: любить Бога всем сердцем, всей душой, всем разумом, всей крепостью своею – это первая заповедь. Подобна ей и вторая – любить ближнего своего как самого себя. Кто же, чада, ближний наш? – Всякий человек, живущий в вере Христовой. Еще же, чада, будьте кротки и смирены, потому что Господь сказал: «Блаженны кроткие, потому что они унаследуют землю». Кротость -мать мудрости, разума и всех добрых дел. Также, чада, соблюдите чистоту душевную и телесную; муж от жены, а жена от мужа не соблудите. Также и живущие прежде вас мужи и жены, чисто пожившие, были святы и угодили Богу и переселились на небеса. Также и вы, чада, живите, согласно закону. Почитайте среду и пятницу, потому что это два ангела Господня. Воскресение Христово имейте честно, то есть свято, не сотворите блуда, и в этот день воздерживайтесь. Почитайте праздники святых, приходите в Церковь в эти дни и упражняйтесь в молитве. Также, чада, будьте милостивы, как и Отец ваш милостив. От своих праведных трудов подавайте милостыню, подавайте с любовью и по силе. Если богаты, подайте больше. Если убоги, то подайте, сколько возможно по силам. Всякий христианин имеет повеление десятую часть от того, что получает, отдать Богу. Отца духовного часто призывайте, советуйтесь с ним, чтобы он наставлял вас на добрые дела, которые благоприлично делать христианам. А вы храните к духовному отцу любовь и веру неоскудеваемую. Ты, бат и сын (называет имя жениха) люби свою жену, и наказывай часто, а не гневайся на нее. Если не буде слушаться, то наказывай ее слегка жезлом, но не со злобой учи. Ты же, сестра и дочь (называет имя невесты), почитай во всем мужа, бойся его, воздавай ему во всем честь и повинуйся ему, всегда советуйся с ним о всяком деле, поскольку он глава тебе. Как крест – глава Церкви, так и муж – глава жене. И как Церковь повинуется Христу, так должно и жёнам повиноваться своим мужьям, не прекословить им, но быть послушными. Потому что послушным Бог подаёт честь и славу, а непослушным – горькую муку. Пусть не будет тебе в тяжесть, дочь моя, быть в послушании у своего мужа. Будь тиха и смиренна, кротка и весела, веди себя скромно. Примите мои наставления, как слова Господа. Если примите эти слова, то будет на вас всегда милость Божия, будете долголетны на земле, и прославитесь у Бога на небе, и станете причастниками Царствия небесного. Если пренебрежете этими словами и преступите заповеди Божии, то об этом я не виноват буду перед Богом, но вы сами по своим делам воспримете воздаяние в день Страшного Суда. Богу нашему слава, сейчас и прежде и в бесконечные веки.
