Молитвы перед учением
За моли́тв святы́х оте́ц на́ших, Го́споди, Ису́се Христе́, Сы́не Бо́жии, поми́луй нас. Ами́нь (поклон).
Прему́дрости Наста́вниче и смы́слу Да́вче, нему́дрым Наказа́телю и ни́щим Защи́тителю, утверди́ и вразуми́ се́рдце мое́, Влады́ко. Ты даждь ми сло́во, И́же Óтчее единоро́дное Сло́во; се бо устна́ма мои́ма не возбраню́, е́же зва́ти Тебе́: Ми́лостиве, поми́луй мя па́дшаго.
И три поклона с молитвой мытаря:
Бо́же, ми́лостив бу́ди мне гре́шному (поклон).
Созда́выи мя, Го́споди, и поми́луй мя (поклон).
Без числа́ согреши́х, Го́споди, поми́луй и прости́ мя, гре́шнаго (поклон).
Молитвы после учения
За моли́тв Пречи́стыя Твоея́ Ма́тере, и всех святы́х Твои́х, Го́споди, Ису́се Христе́, Сы́не Бо́жии, поми́луй нас. Ами́нь (поклон).
Досто́йно есть, я́ко вои́стину блажи́ти Тя, Богоро́дице; при́сно блаже́нную и пренепоро́чную, и Ма́терь Бо́га на́шего. Честне́йшую херуви́м и сла́внейшую вои́стину серафи́м, без истле́ния Бо́га Сло́ва ро́ждьшую, су́щую Богоро́дицу, Тя велича́ем (поклон поясной).
Сла́ва Отцу́ и Сы́ну и Свято́му Ду́ху (поклон).
И ны́не и при́сно и во́ веки веко́м, ами́нь (поклон).
Го́споди поми́луй, Го́споди поми́луй, Го́споди благослови́ (поклон).
Отпу́ст седмичный (дню):
Го́споди, Ису́се Христе́, Сы́не Бо́жии, моли́тв ра́ди Пречи́стыя Твоея́ Ма́тере и преподо́бных и богоно́сных оте́ц на́ших и всех святы́х, поми́луй и спаси́ мя гре́шнаго, я́ко Благ и Человеколю́бец. Ами́нь.
И три поклона с молитвой:
Бо́же, ми́лостив бу́ди мне гре́шному (поклон).
Созда́выи мя, Го́споди, и поми́луй мя (поклон).
Без числа́ согреши́х, Го́споди, поми́луй и прости́ мя, гре́шнаго (поклон).
